يا خالق كل شئ ناقص ، كمالته معاك ... يا شايل من الحاجات حتة ، بنترجاك ..بحق المشهد الكامل ، و اسمك اللى انا عرفته .. تسيب لينا اللى يكفينا ، و تكفينا بما سبته ، ما تحوجناش ، لجاى مجاش ، و ترضينا بما جبته .. قولوا آمين :)
نظرًا لتخوُّف البعض من سياسة معاملة قطر للاخوان بعد الثورة بصورة ملفتة للنظر على عكس علاقتها بباقى الانظمة في الدول العربية او علاقة الاخوان ايضًا بأى نظام اخر ، أثيرت الشكوك لدى البعض وفُطِع الشك باليقين لدى اخرين عن ما كانت قطر تنوى مساعدتنا دون انتظار المقابل ، ام الموضوع مشروع استثماري جديد ضمن مشاريعها التي تمكنت من كل دولة على ظهر البرية ، لذا قررت انى اوضِّح وجهة نظري كواحد من هؤلاء المتخوفين من هذه العلاقة ، وسأستعين باحداث قريبة واخر الاخبار بشأن هذا الموضوع .
ليبيا اعطت مصر 2 مليار دولار بدون فوائد على 5 سنوات وسيتمّ ارسال المبلغ خلال 10 ايام .
وبغض النظر عن تكهناتي الأولية انها مكافأة صفقة تسليم قذاف الدم ، الا انني لا استطيع الا ان اقول دولة محترمة وعلاقاتها شفافة .. قرض غير ربوي بدون فائدة على فترة سماح للسداد محددة ومعقولة ومش طمعانة في شئ << خُد فلوس ، بعد 5 سنين ، هات الفلوس >> .
قطر اعطتك 3 مليار واخدت بهم "سندات او اذون خزانه" وشروط العقد مُبهمة ولا احد يعرف مدة فترة السداد ولا احد يعرف ايه نوع السندات ان كانت منشئات او اسهم .. الخ ، أى في حالة عدم سدادك تؤول الملكية لهم بطريقة مباشرة .
بالظبط زى زمان لما كنت تروح تجيب ازازة حاجة ساقعة والبقال يقولك اديني رهن على ماترجّع الازازة ولو مارجعتش الازازة يبقى الرهن اللي هو تمنها حلال عليا .
لكن الموضوع هنا مش ازازة و75 قرش .. الموضوع ان المبلغ 3 مليار مش عارف هتسددهم امتي .. دا غير ان البقال "قطر" مش عاوزك ترجع الازازة "3 مليار" اصلا لانه عاوز تمنها "السندات" ، يعني هينتظر القدر بغاية التمني ان الازازة تتكسر او هيحاول جاهدًا انه يكسرلك الازازة بطريقة غير مباشرة .
طبعًا انا مفترض هنا سوء النيّة لسببين .
1- السندات في كل الاحول هى ملكية عامة للدولة مش شركات خيرت الشاطر وحسن مالك ويوسف ندا ، يعني في حالة عدم السداد هتضيع اصول السندات "المجهولة لنا حتى الان" وبالتالي الضرر هيكون ع المصرين كلهم مش ع الاخوان متخذي القرار ومؤيديه .
2- قطر بتشتري اى حاجة معروضة للبيع حتى لو كانت دولة بالناس اللي عايشين فيها هيشتروها ... قطر اشترت في مصر البنك الاهلي سوستيه جنرال كاملًا بحوالي 17 مليار جنيه من شهر - اى نعم هو مش حكومي لكن دا دليل على عزمهم الشراء لاى شئ مطروح للبيع - وقبلها اخدت جزء كبير من هيرميس القابضة اثناء حُكم العسكر ... اقولك على حاجة بطبيعة اللحظة كمان ، قطر تمتلك ناديين خرجوا من يومين من دور ال16 في دوري ابطال اوروبا -باريس سان جيرمان وملقا- بالاضافة لمانشيستر سيتي واندية اخرى في اوروبا ، قطر اشترت 50% من بنك ستانتادر البرازيلي اكبر بنك في قارة امريكا الجنوبية ، قطر اشترت استديوهات ديزني في هوليود ، اشترت أطول ناطحة سحاب في لندن وأوروبا ، اشترت اسهم في بنوك باركليز المعروفة في العالم كله ..
دا على سبيل المثال لا الحصر وكل اللي ذكرته " شراء وليس استثمارات او انشاء مشاريع " ... بتشتري جاهز مفيش وقت .. اعتقد كل اللي ذكرته دا يكفي لتخوّفي من جشع الدولة دي في حُب التملك ولو ما اقتعنتش روح ابحث وهتتصدم ، اللهم لاحسد وربنا يزيدهم بعيد عننا .. لسة تكة وينقلوا باريس للخليج #عبدالله_بدر_ستايل برضه :)
العلاقات الدولية رسمية مش بالحُب .. مينفعش انك تقبل فلوس وتنبسط من غير ماتفكر في الاثر المترتب على الشروط اللي اخدت بيها الفلوس دي وايه مصيرك خلال سنة او عدة شهور من تاريخ الحصول عليها .. ولما تأيد حاجة زى دي وتروّج ليها على انها انجاز وتمجّد في قطر .. كان واجب عليك تجيب حدود مصر الغربية من السلوم شمالًا وحتى شرق العوينات جنوبًا ضارب تعظيم سلام ناحية شمال .
الصورة من مجلة Le Monde الفرنسية ويتصدرها عنوان " قطر تشتري العالم " . |