Digital clock

الثلاثاء، 22 يناير، 2013

رُباعيات في وصف محظوظ


باقول خروف و حَظه اتعدل وكان اساسُه مفيش 

 اصبح يعـِد المناصب و أخد على التكويش

  سِمع كلام المرشد و للشعب بقى طنّيش

 علينا محسوب ريّس و هو ميساويش


 اخد العسكر فى قَصرُه و قالهم ماتسيبونيش 

 طنطاوى ، سامي عنان و كمان مُهاب مَميش 

 اصل الاخوان ما يفرقوش كتير عن الجيش

 فريق و لِوا و صول و"مرشد" وشاويش


 قالنا طائر نهضة طلع من غير ريش

  قفلها زى الدومنه م الناحيتين بقوا شيش(1) 

مسطول طبيعى والله من غير و لا تحشيش

 اصل الاخواني من طبعه ياخد و لا يديش

  يا ياااااااا يا لــــيـــــــــــــــــــــــــــــــــــــــل :D .


شيش(1) : ورقة فى لعبة الدومنه عدد النقاط في خانة واحدة منها 6 نقاط ،
يرجع 
اصول تسميتها الى اللغة الفارسية